yanditswe na Uwera Joselyne Pajojo

Donald Trump Uhagarariye Ishyaka Ryabarepuburikani  yatsinze Kamala Harris uhagarariye abademokarati  bari bahanganye mumatora .

 Donald Trump wagize  Amajwi 277 ( 51.0%) Naho Kamara Harris  Agira  224 ( 47.5% )  Donald Trump W ‘Imyaka 78   agiye  kuyobora Amerika Ku Inshuro   Ya Kabiri  Kuko  muri 2017 Kugeza 2021 Yayoboye Amerika Kuri ubu mi  Peresida Wa 47^th.

Donald Trump bamwe bamwita kirihahira, umugabo uvuga ibyo ashaka, utagira ubwoba mu mivugire, wigirira icyizere, utebya bidasanzwe, umukire wo ku rwego rwo hejuru n’ibindi.

Amateka ye ni maremare bitewe n’ibikorwa bye birimo ubucuruzi, ubuhanzi, ubwubatsi, politiki, kumenyekanisha ibikorwa, Siporo, ibiganiro kuri Televiziyo, kuvuga imbwirwa-ruhame zikakaye, kugira uruhare mu marushanwa y’ubwiza, ishoramari n’ibindi.Twifashishije imbuga za internet zitandukanye, twagerageje gukusanya amwe mu mateka y’uyu mugabo.

Donald John Trump yavutse ku wa 14 Kamena 1946 avukira mu mujyi wa New York; ni umuhungu wa Fred Trump na Mary Anne Trump. Ni umwana wa Kane mu bana batanu.

Arubatse, afite abana batanu yabyaranye n’abagore batatu batandukanye muri bo babiri baratandukanye, uwa gatatu niwe bari kumwe ubu witwa Melania Knauss aho bashyingiranywe mu 2005.

Yize muri Kaminuza ya Fordham University mu gihe cy’imyaka ibiri. Nyuma yaje kwinjira mu ishuri ry’ubucuruzi rya Wharton riherereye muri Kaminuza ya Pennsylvania. Kwiga yabifatanyaga no gukora akazi mu isosiyete y’ubwubatsi ya se izwi ku izina rya Elizabeth Trump & Son. Trump yaje kurangiza mu ishuri rya Wharton mu 1968 aho yakuye impamyabushobozi y’icyiciro cya kabiri mu by’ubukungu; ahita yinjira mu isosiye ya se neza. Mu 1971 yahawe ububasha bwo kuyigenzura aza no kuyita “The Trump Organization”.

Trump kandi yize no mu ishuri rya gisirikare rya New York Military Academy aho yaje kurangiza ari mu banyeshuri beza bafite amanota meza.

Kuri ubu ni umuntu uzwi mu bikorwa by’ubwubatsi ndetse akaba anazwi mu itangazamakuru na politiki.

Trump mu bucuruzi n’ishoramari

Trump yarangije amashuri afite umutungo ungana n’amadolari ya Amerika 200,000 (Ugereranije no muri iki gihe yaba ageze kuri $1,021,000 mu 2016). Yatangiriye impano ye mu isosiyete y’ubwubatsi ya se izwi ku izina rya yibandaga ku kubaka inzu zikodeshwa n’abafite ubushobozi buringaniye.

Mu 1971, Trump yaje kwerekeza Manhattan, aho yaje kwinjira mu mishinga y’ubwubatsi minini; aha akaba yarifashishije ubunararibonye bwe mu gukora ibishushanyo mbonera bigezweho byatumye akurura imitima ya benshi.

Hagati aho ariko yamenyekanye ubwo isosiyete ye y’ubwubatsi yagezwaga mu nkiko izira kuba itarubahije amategeko y’ubwubatsi, gusa icyo gihe Trump yashinjije inzego z’ubutabera kumubonerana kuko sosiyete ye yari nini kandi ifite ubunararibonye kurusha izindi.

Mu 2001 nibwo Trump yarangije kubaka umuturirwa we Trump World Tower wegeranye n’icyicaro cya Loni giherereye i New York. Yahise anatangira kubaka indi nyubako ahiswe Trump Place mu nkengero z’umugezi wa Hudson.

Trump kandi afite imyanya y’ubucuruzi mu isosiyete Trump International Hotel and Tower; hakaba hari n’andi masosiye amwishyura kubera gukoresha izina rye arimo nk’iyo muri Turikiya izwi ku izina rya Trump Towers Istanbul, mu Ukuboza 2015 iyo sosiye ikaba yaratangiye inzira y’amategeko yo kureba uko yakwitandukanya nawe nyuma y’ijambo yavuze ryo kubuza abayisilamu kwinjira muri Amerika.

Byose Trump abikora binyuze mu kigo yise Trump Organization; iki kigo akaba ari cyo gikoresha kikanagenzura ibikorwa by’ishoramari mu bwubatsi hirya no hino ku Isi.